Жамшид Саидов: "Афсуски, бугун ҳеч нарса ўхшамади"

Суперлигада 21-тур ўйинлари давом эттирилди. "Қизилқум" жамоаси бу турда сафарда "Олимпик" билан куч синашди ва 0:1 ҳисобида имкониятни бой берди. Беллашувдан сўнг жамоа бош мураббийи Жамшид Саидов матбуот анжуманида иштирок этди.

- Ўйин ҳақида ортиқча гапирмоқчи эмасман. "Олимпик"ни ғалаба билан табриклайман. Йигитлар чинакам характер кўрсатишди. 

- Бугунги рақиб ёшлардан иборат жамоа эди, аммо "Қизилқум" ўзига ўхшамади?!

- Ҳар бир ўйиннинг даражаси қандай эканлигини биламиз. Афсуски, бугун ҳеч нарса ўхшамади. Бутун баҳс давомида босим қилдик, аммо якунда ўтказиб юборилган қарши ҳужум масалани ҳал қилди.

- Қолган ўйинларда элитада жон сақлаб қолиш учун қанча очко жамғариш керак деб ҳисоблайсиз?

- Ҳозир олдидан бирор нарса дея олмайман. Олдинда бешта тур бор.