Жанни Инфантино: "Футболда ирқчиликка мутлақо ўрин йўқ"

ФИФА президенти Жанни Инфантино Чемпионлар лигасида "Бенфика" ва "Реал Мадрид" ўртасидаги ўйинда (1:0) юз берган можароли ҳолатга муносабат билдирди.

Инфантино ўйин давомида "Реал" ҳужумчиси Винисиус Жуниорга нисбатан эҳтимолий ирқий ҳақорат айтилгани ҳақидаги ҳолат уни қаттиқ ранжитганини таъкидлади.

"Мен Чемпионлар лигаси ўйини давомида Винисиус Жуниорга нисбатан эҳтимолий ирқчилик ҳолатини кўриб, ҳайратда қолдим ва жуда афсусландим.

Бизнинг спортимизда ҳам, жамиятда ҳам ирқчиликка ўрин йўқ. Барча масъул томонлар чора кўриши ва айбдорларни жавобгарликка тортиши керак.

ФИФА глобал ирқчиликка қарши кампания ва футболчилар кенгаши орқали ўйинчилар, расмийлар ва мухлисларни ҳурмат қилиш ҳамда ҳимоя қилишни таъминлашга интилади. Шунингдек, бундай ҳолатлар юз берганда тегишли чоралар кўрилишини талаб қилади. Мен ҳакам Франсуа Летексьенинг ирқчиликка қарши протоколни ишга тушириб, қўл ишораси орқали ўйинни тўхтатганини юқори баҳолайман.

ФИФА ва бутун футбол олами ирқчилик ва ҳар қандай камситиш қурбонлари билан тўлиқ ҳамжиҳат. Мен доимо такрорлайман: ирқчиликка йўқ, ҳар қандай камситишга йўқ!" – дейилади ФИФА президенти баёнотида.