Janubiy Koreya. Ashurmatovning jamoasi peshqadamlikni davom ettirmoqda

Hamyurtimiz Rustam Ashurmatov faoliyat olib boradigan "Gvanyu" klubi bu tur safarda "Ansan Griners" bilan kuch sinashdi. Qiziqarli va tomoshabop tarzda kechgan uchrashuvda jamoalar raqib darvozasini  ishg‘ol eta olishmadi va bahs 0:0 hisobidagi nursiz durang bilan nihoyasiga etdi.

Ashurmatov bellashuvni asosiy tarkibda boshladi va to‘liq 90 daqiqa o‘ynab, 69-daqiqada ogohlantirish oldi. Shu tariqa "Gvanyu" hisobidagi ochkolar soni 16 taga etdi va jamoa peshqadamlikni saqlab qoldi.

"K2" Liga. 8-tur

"Ansan Griners" - "Gvanyu" 0:0.