Жанубий Корея. Ашурматовнинг жамоаси пешқадамликни давом эттирмоқда

Ҳамюртимиз Рустам Ашурматов фаолият олиб борадиган "Гванью" клуби бу тур сафарда "Ансан Гринерс" билан куч синашди. Қизиқарли ва томошабоп тарзда кечган учрашувда жамоалар рақиб дарвозасини  ишғол эта олишмади ва баҳс 0:0 ҳисобидаги нурсиз дуранг билан ниҳоясига етди.

Ашурматов беллашувни асосий таркибда бошлади ва тўлиқ 90 дақиқа ўйнаб, 69-дақиқада огоҳлантириш олди. Шу тариқа "Гванью" ҳисобидаги очколар сони 16 тага етди ва жамоа пешқадамликни сақлаб қолди.

"K2" Лига. 8-тур

"Ансан Гринерс" - "Гванью" 0:0.