Жанубий Корея терма жамоаси Швецияга қарши ўйинга ғалати усулда тайёргарлик кўрмоқда

Жанубий Корея терма жамоаси футболчилари ЖЧ-2018нинг Швецияга қарши илк баҳсига ўзгача услубда тайёргарлик кўришмоқда. Гап шундаки улар машғулотларда турли рақамларда ҳаракат қилишмоқда.

Кореяликлар бош мураббийи Син Тхе Ён ушбу ҳолатни қуйидагича изоҳлади:

“Биз швед жосусларини чалғитиш учун машғулотларда ҳар-хил рақамли либосларда шуғулланяпмиз. Умуман олганда европаликлар барибир менинг футболчиларимни ажрата олишмайди”.

Эслатиб ўтамиз, Швеция ҳамда Жанубий Корея терма жамоалари ўртасидаги баҳс эртага Тошкент вақти билан соат 17:00да бошланади.