Жароҳат олган Неймарга хунук хабар

Бразилия терма жамоаси ҳужумчиси Неймар Сербияга қарши ўйинда тўпиғидан жароҳат олган эди.

Манбаларнинг таъкидлашича, Неймар мундиалнинг гуруҳ баҳсларида бошқа майдонга туша олмайди. Терма жамоа бош мураббийи Тите навбатдаги иккита ўйинда Неймардан фойдаланмоқчи эмас.

Маълумотларга қараганда, Тите Швейцария ва Камерун билан бўладиган баҳсларда Неймарга дам беради. Мураббийлар штаби футболчи плей-офф босқичига тўлиқ тикланиб олишини истаётгани айтилмоқда.

30 ёшли Неймар учун бу охирги жаҳон чемпионати бўлиши мумкин.