Жастин Гэтжининг кейинги рақиби ким?

Енгил вазн тоифасида UFC чемпиони Жастин Гэтжи титулга даъвогарлар – Арман Царукян ва Чарльз Оливейра билан жанг қилишни режалаштирмаяпти. Америкаликнинг сўзларига кўра, у Конор Макгрегор ва Макс Холлоуэй ўртасидаги жанг ғолиби билан куч синашмоқчи.

"Макгрегор ва Холлоуэй тўқнашуви нима билан тугаши менга ҳам қизиқ. Макс мени нокаутга учратди, бироқ мен Илия Топурияни енгиб, қисман ҳисоб-китоб қилдим. 

Шунинг учун мен бу жангни интиқлик билан кутяпман ва уни жонли томоша қилиш имкониятига эга бўлганимдан хурсандман. Конор спортимизнинг энг катта супер юлдузи эканига шубҳа йўқ. Бундай рақиб билан жанг қилиш менга катта молиявий фойда келтириб, афсона мақомини янада мустаҳкамлаган бўларди", – деди Гэттжи Жим Ромга берган интервьюсида.

Эслатиб ўтамиз, Конор Макгрегор ва Макс Холловей ўртасидаги баҳс 12 июль куни Лас-Вегасда "UFC 329" турнирида ўтказилади.