Жавоҳир Илёсов "Локо"нинг янги мураббийи ва дарвозабонлар рақобати ҳақида фикр билдирди

"Локомотив" клуби янги мавсум учун тайёргарлик жараёнларини Туркияда давом эттирмоқда. "Темирйўлчилар" дарвозабони Жавоҳир Илёсов SPORTS.uz сайти учун махсус интервью берди:

"Йиғин яхши ўтмоқда, тайёргарлик режа бўйича олиб бориляпти. Рақобатга келсак, Абдумавлоннинг келиши ҳар иккимиз учун фойдали бўлади. Чунки рақобат бор жойда ўсиш бўлиши аниқ.

Мураббийга келадиган бўлсак, ҳар бир мутахассиснинг ўз дунёқараши, тактикаси бўлади. Секейранинг топшириқларини тўлиқ бажаришга ҳаракат қилмоқдамиз. Ҳар хил мутахассис бор. Мен улардан бирортасини кучли, дея кўрсата олмайман".