Жавоҳир Илёсов: "Рақобат бор жойда ҳар доим ўсиш бўлади ва бу нарса сезиляпти"

ОКМК - "Насаф" баҳсида кўплаб сейвлар қилиб, дарвозада ишончли ҳаракат қилган Жавоҳир Илёсов баҳс якунланганидан кейин ўз фикрлари билан ўртоқлашди. 

Бизга очко жуда ҳам керак эди. 40 очко тўпладик ва шу билан тўхтаб қолдик. Худо тақдир қилгани бир очко экан, кучли жамоага қарши бу ёмон эмас. 

Спорт формангизни яхшилаб олдингиз, бунга қандай эришилди?

Дарвозабонлар мураббийи билан хатолар устида ишлаяпмиз. Кўп хатолар қилдим, шу сабабли буни тўғирлашга ҳаракат қиляпман. 

Мавсум ўртасида ОКМК ўз таркибига дарвозабон қўшиб олди. Бу сизга қанчалик таъсир қилди?

Рақобат бор жойда ҳар доим ўсиш бўлади ва бу нарса сезиляпти, деб ўйлайман.