Жавоҳир Умматалиев рақибни "эзиб ташлади"

Айни пайтда Англиянинг Манчестер шаҳрида профессионал бокс оқшоми бўлиб ўтяпти.

Эътиборлиси, ҳозиргина ҳамюртимиз Жавоҳир Умматалиев ва польшалик Дамиян Драбик ўртасидаги жанг якунланди. Ҳар икки боксчи дастлабки раундни эҳтиёткорлик билан ўтказди. Бироқ 2 раундга келиб, вакилимиз рақибига кучли зарбалар йўллади ва польшаликни техник нокаутга учратишга муваффақ бўлди.

Эслатиб ўтамиз, бизни олдинда яна бир таниқли чарм қўлқоп устамиз Баҳодир Жалолов ҳамда Хорватия вакили Агрон Смакичи тўқнашуви кутмоқда.