Жахон чемпионатидаги дастлабки рақибимиз Тошкентга етиб келди

Нидерландия терма жамоаси Тошкентга етиб келди.

Юртимиз мезбонлик қиладиган футзал бўйича Жаҳон чемпионати иштирокчи терма жамоаларининг мусобақага ташрифи давом этмоқда. Бугун, 6 сентябр куни Нидерландия миллий терма жамоаси Тошкентга етиб келди. 

ЎФА ва маҳаллий ташкилий қўмита вакиллари Нидерландия миллий терма жамоаси делегацияси

ни кутиб олди ҳамда одатга кўра меҳмонларга эсдалик совғаси сифатида миллий дўппимиз совға қилинди.

Эслатиб ўтамиз, Нидерландия "А" гуруҳидан ўрин олган бўлиб, илк турда Ўзбекистон футзал миллий терма жамоасига қарши баҳс олиб боради. Учрашув 14 сентябр куни, соат 20:00 да "Ҳумо Арена"да старт олади.