Венгриянинг Будапешт шаҳрида ўтаётган бокс бўйича жаҳон чемпионати-2018 турнирининг бешинчи кунги беллашувларида икки нафар оғир вазнли боксчиларимиз ўз омадларини синаб кўришади.

Кундузги беллашувларда Жамшид Махамадалиев чорак финал учун кечадиган жангда украиналик Кирило Стоианчевни синовдан ўтказади. Бу қарама-қаршилик ғолиби ярим финал йўлланмаси учун бўладиган тўқнашувда польшалик Оскар Коперага қарши рингга кўтарилади.

Кечки дастурдан ўрин олган жангларда -91 кг вазн тоифасида Жавоҳир Тоғаймуродов бошқа бир украиналик боксчи Марат Григорян билан куч синашади. Ғолиб боксчи чорак финалга йўл олади.

Кундузги дастур

+91 кг: Жамшид Махамадалиев (Ўзбекистон) – Кирило Стоианчев (Укарина)

Кечки дастур

-91 кг: Жавоҳир Тоғаймуродов (Ўзбекистон) – Марат Григорян (Укарина)

Эслатиб ўтамиз, кеча ўтказилган жангларнинг барчасида вакилларимиз ғалаба қозонишди.