ЖЧ-2022 да ўйин 90 дақиқа эмас, 100 дақиқа бўладими?

Халқаро футбол федерацияси (ФИФА) матбуот хизмати жорий 2022 йил Қатарда бўлиб ўтадиган жаҳон чемпионатида ўйин давомийлиги 100 дақиқагача оширилиши мумкинлиги ҳақидаги маълумотга изоҳ берди.

"ФИФА ўйинлар давомийлигини ошириш билан боғлиқ ҳеч қандай ўзгаришларни режалаштирмаяпти. Бундай янгиликлар 2022 йилги жаҳон чемпионати учун ҳам, бошқа турнирларда ҳам режалаштирилмаган", - дейилади ташкилот расмий твиттерида.

Эслатиб ўтамиз, жаҳон чемпионати 2022 йилнинг 21 ноябридан 18 декабрига қадар бўлиб ўтади.