ЖЧ-2022. Дешам: "Рақиб сафида бир футболчи ажралиб туради - Левандовски"

Франция МТЖ бош мураббийи Дидье Дешам Жаҳон чемпионати 1/8 финал босқичи доирасидаги Польшага қарши учрашув олдидан фикрлари билан ўртоқлашди.

"Рақиб таркибида яхши сифатларга эга, тажрибали футболчилар етарлича. Аммо бир шахс бошқалардан ажралиб туради - Роберт Левандовски. У дунёнинг энг яхши ҳужумчиларидан бири. Польша фақат унга таяниб ўйнамайди, уларнинг жамоавийлиги яхшилигини кўрдим.

Таҳлилчиларимиз рақибни ўрганишни бошлади, тез орада уларнинг услуби билан батафсил танишамиз. Бир нарса аниқ - Польшага беписандлик билан қараб бўлмайди",-деди Дешам Франция футбол федерацияси матбуот хизматига берган интервьюсида.

Франция - Польша учрашуви Тошкент вақти билан 4 декабрь куни соат 20:00 да старт олади.