ЖЧ-2022. Очколар тенг келиб қолса, ғолиб номи қандай аниқланади?

ЖЧ-2022да гуруҳ босқичининг 2-тур ўйинлари якунига етди. Бугундан 3-тур ўйинларига старт берилади. Сўнгги тур баҳслари гуруҳларда бир вақтда бошланади. Айни дамда, деярли барча гуруҳлардаги холар жуда мураккаб.

Хабарингиз бор, гуруҳларда дастлабки 2та ўринни эгаллаган жамоалар плей-офф босқичи йўлланмасини қўлга киритади. Хўш, очколар тенг келиб қолганда, жамоаларнинг ўринлари қандай аниқланади? Ўзаро ўйинлар ҳисобга олинадими ёки жами учрашувлардаги тўплар фарқи?

Регламентининг тегишли бандини кўриб чиқамиз.

Жамоаларнинг гуруҳдаги ўринлари қуйидаги тамойиллар асосида аниқланади:

а) гуруҳда энг кўп очко тўплаган жамоа;

b) гуруҳнинг барча ўйинларида энг яхши тўплар фарқига эга бўлган жамоа;

с) гуруҳнинг барча ўйинларида кўп гол урган жамоа.

- Агар икки ёки ундан ортиқ жамоа юқоридаги 3 та тамойилга кўра бир хил вазиятда бўлса, у ҳолда уларнинг ўринлари қуйидагича аниқланади:

d) ўзаро ўйинларда кўп очко тўплаган жамоа;

e) ўзаро ўйинларда яхши тўплар нисбатига эга бўлган жамоа;

f) ўзаро ўйинларда кўп гол урган жамоа;

g) Фейр-плей қоидаси. Бунда жамоаларнинг гуруҳ босқичидаги сариқ ва қизил карточкалари ҳисоб-китоб қиланади ва унда камроқ очко олган жамоа кейинги босқичга йўл олади. Бунда:

- сариқ карточка — 1 очко;

- иккита сариқ карточка орқали берилган қизил карточка — 3 очко;

- тўғридан-тўғри қизил карточка — 4 очко;

- сариқ ва тўғридан-тўғри берилган қизил карточка — 5 очко.

h) қуръа.

Кўриб турганингиздек, очколар тенг келиб қолганда дастлаб тўплар фарқи инобатга олинади. Шу боис, 3-тур баҳсларида голлар сони кўпайиши мумкин. Шундай экан, бизни олдида супер тўқнашувлар кутиб турибди. Воқеалар ривожини сайтимиз орқали кузатиб боринг!