ЖЧ-2022. Роналду: "Плей-офф кафолатланган, аммо..."

Португалия терма жамоаси етакчиси Криштиану Роналду Жаҳон чемпионати гуруҳ босқичини пешқадам сифатида якунламоқчи.

"Плей-офф кафолатланган, аммо биз биринчи ўринни олишни истаймиз. Бизнинг жамоа ва унинг мақсадлари учун ҳеч қандай чеклов йўқ. Келинг, кўпроғига ҳаракат қилайлик. Олға, Португалия!",-дея пост қолдирди у ижтимоий тармоқдаги саҳифасида.

Маълумот учун, португалияликлар 6 очко билан "H" гуруҳида пешқадамлик қилмоқда. Иккинчи поғонадаги Гана 3 очко жамғарган бўлса, Жанубий Корея ҳамда Уругвай ҳисобида биттадан очко мавжуд.

Сўнгги турда Роналду жамоадошлари Жанубий Кореяга қарши майдонга тушади.