ЖЧ-2022 саралашидаги рақибимиз Саудия Арабистони Ғарбий Осиё чемпионатида Баҳрайн билан дуранг ўйнади
Ads

Биласиз, келаси ойдан эътиборан Жаҳон чемпионати-2022 иккинчи саралаш босқичи старт олади.

Ўзбекистон миллий терма жамоаси иккинчи саралаш босқичининг “D” гуруҳидан ўрин олган бўлиб, терма жамоамизга бу босқичда Саудия Арабистони, Фаластин, Яман ҳамда Сингапур термалари рақиблик қилади.

Қайд этиш жоиз, айни пайтда Ироқда Ғарбий Осиё Футбол Федерацияси томонидан ўтказиладиган минтақа чемпионати бўлиб ўтмоқда. Унда Саудия Арабистони, Фаластин ва Яман терма жамоалари иштирок этмоқда.

Саудия Арабистони мусобақада у қадар яхши старт ола билмади. Илк турда Қувайтга мағлуб бўлган саудияликлар 2-турда Баҳрайн билан 0:0 ҳисобида дуранг ўйнади. Жамоа “B” гуруҳида 3-ўринни эгаллаб турибди.

“А” гуруҳидан ўрин олган Фаластин терма жамоаси ортда қолган турда Ливан билан 0:0 ҳисобида дуранг ўйнади. Яман ҳам Сурия билан дуранг ўйнади. Учрашувда 1:1 ҳисоби қайд этилди. Фаластин гуруҳда 3-ўринда бораётган бўлса, Яман 5-поғонадан жой олган.