ЖЧ саралаши. Фаластин Сингапур устидан ғалаба қозонди. Гуруҳимизда вазият қандай?

Жаҳон чемпионати саралаш босқичидан ўрин олган учрашувлар давом эттирилмоқда.

Ўзбекистон миллий терма жамоаси ўрин олган "D" гуруҳида навбатдаги тур ўйини бўлиб ўтди. Унда Сингапурга қарши майдонга тушган Фаластин 4:0 ҳисобида ғалаба қозонди. Голларга Ҳамид, Даббаг ҳамда Сеям муаллифлик қилди. Дублни нишонлаган Тамер Сеям ҳар икки аниқ зарбани 11 метрлик нуқтадан йўллади.

Шу тариқа, йирик ҳисобда зафар қучган Фаластин очколари сонини 7 тага етказиб олган ҳолда, 3-ўринга кўтарилиб олди. Худди шунча очко жамғарган Сингапур 4-поғонани банд этган. Пешқадам ҳамон 11 очко тўплаган Саудия Арабистони МТЖ бўлса, Ўзбекистон 9 очко билан иккинчи ўринда бормоқда. Сўнгги поғонадаги Яманда 5 очко мавжуд.