Жексон "Челси"ни тарк этиб, АПЛнинг бошқа бир клубига ўтмоқчи

"The Telegraph" нашрининг хабарига кўра, сенегаллик ҳужумчи ҳисобланган Николас Жексон "Челси" раҳбариятига жамоадан кетиш истагини билдирган, шунинг учун у 8 август куни "Байер"га қарши ўртоқлик учрашувига чақирилмади. Агар Жексон ёзда клубни тарк этса, у фаолиятини "Ньюкасл"да давом эттиришни хоҳламоқда.

Маълумотларга кўра, "Ньюкасл" Беньямин Шешко ва Жоао Педро трансферлари амалга ошмаганидан сўнг Жексон билан шартнома имзолаш масаласини жиддий кўриб чиқмоқда. Бироқ, эҳтимолий трансфер "Ньюкасл"нинг Александер Исакни "Ливерпуль"га қўйиб юбориш-юбормаслигига боғлиқ бўлади.

"Аристократлар" ҳужумчини осонликча қўйиб юбориш ниятида эмас ва фақат муносиб таклиф бўлса, уни сотишга тайёр. Лондон клуби Жексон учун камида 64 миллион фунт талаб қилмоқда.