"Женоа" - "Беневенто" учрашуви қаҳрамони "Интер"ни чемпионлик билан табриклади

"Женоа" клуби ҳужумчиси Горан Пандев "Беневенто"га қарши ўйиндан кейин журналистларга қисқа флеш-интервью берди. Ушбу баҳсда дубль муаллифи бўлиб, генуяликларни мағлубиятдан сақлаб қолган македониялик футболчи собиқ клуби "Интер"ни чемпионлик билан табриклади:

"Ўйлайманки, жорий мавсум Скудеттони ютиш учун энг қулай имконият мавжуд. Мен ҳамон "Интер"ни диққат билан кузатаман ва уларни қўллаб-қувватлайман. 

Мен "Интер" бош мураббийини узоқ йиллик танаффусдан сўнг, "Жузеппе Меацца"га кубокни олиб келаётгани билан табриклайман", - деди Горан Пандев. 

37 ёшли футболчи "Интер" тарбияланувчиси ҳисобланади. У "нерадзуррилар" таркибида 2001-2002 ва 2010-2011 йилги мавсумлар давомида ҳаракат қилган. 

Эслатиб ўтамиз, "Интер" ҳозирча расман чемпионликни қўлга киритмаган. Турнир якунланишига 6 та тур қолган пайтда, миланликларнинг энг яқин таъқибчи билан ўртадаги фарқи 10 очкони ташкил этмоқда. 

Фикрлар

Фикр қолдириш учун авторизациядан ўтинг!