"Женоа" - "Фиорентина": Мезбонлар ҳисобни очди! (матнли трансляция)

Ассалому алайкум, мухтарам футбол ихлосмандлари! Италия А Серияси 29-туридан ўрин олган "Женоа" - "Фиорентина" учрашуви матнли трансляция кўринишида эътиборингизга ҳавола этилади. Уни сизлар билан Жавоҳир Азимов кузатиб боради.

• 90+5'
  

  Учрашув якунланди. Матнли трансляция Жавоҳир Азимов томонидан олиб борилди!

• 90+4'
  

  Рақибига нисбатан қоида бузган Валентин Эссерик огоҳлантирилди.

• 90+2'

  Сўнгги дақиқаларни Баллардини шогирдлари нисбатан фаолроқ ўтказмоқда.

• 90'
  

  Ўйиннинг асосий вақтига 4 дақиқа қўшиб берилди.

• 88'
  

  Душан Влахович ўрнига Кристиан Куаме ўйинни давом эттиради.

• 85'

  Элдор томон жамоадоши узатма амалга оширди. Бироқ легионеримиз тўпга ета олмади.

• 83'
  

  Ва наҳоят, Жанлука Скамакка ўрнига Элдор Шомуродов майдонга тушди.

• 80'

  Доменико Кришитонинг зарбасидан кейин ҳимоячилар тўпни ўтказмади.

• 78'
  

  Генуяликлар бурчак зарбасидан наф чиқара олмади.

• 75'

  Марко Пьяцанинг узатмасидан кейин жамоадошлари тўпга ета олмади.

• 72'
  

  "Женоа" бош мураббийи Маттиа Дестро ва Валон Бехрами ўрнига Марко Пьяца ҳамда Паоло Гильоне майдонга тушди. Ҳозирча, Шомуродовдан дарак йўқ.

• 69'

  Баллардини шогирдлари тўп назорати билан ўйинни давом эттирмоқда.

• 67'
  

  Доменико Кришито ўйиндан ташқари ҳолатда қолиб кетди.

• 64'

  Антонио Пульгар жамоадошлари томон узатма амалга оширди. "Женоа" ҳимоячилар хавфни бартараф этди.

• 62'
  

   Давиде Бираски Миха Зайц ўрнига майдонга тушди.

• 59'

  Генуяликлар ўйин темпини пасайтиришга ҳаракат қилмоқда. Улар қисқа узатмалар билан тўпни марказда ушлаб турибди.

• 56'

  Кевин Стротманнинг жарима майдонига узатган тўпини ҳимоячилар қайтарди.

• 53'
  

  Жамоадошининг тарафини олиб, ҳакамга эътироз билдирган Жузеппе Якинига сариқ карточка кўрсатилди.

• 52'
  

  Рақибига нисбатан анча жиддий қўполлик ишлатган Франк Рибери майдондан четлатилди. Бундай ўйнаб бўлмайди.

• 48'

  "Женоа" ҳимоячилари Душан Влаховични зарарсизлантиришга муваффақ бўлди.

• 46'
  

  Иккинчи тайм бошланди!

• 45'
  

  Биринчи таймга вақт қўшилмади. Танаффус!

• 42'
  

  Генуяликлар бурчак зарбасидан наф чиқара олмади. Яна бир вазият қўлдан кетди.

• 40'

  Тайм сўнгига келиб флоренцияликлар фаолликни бироз оширди.

• 38'

  Жамоадоши узатган тўпга Скамаккадан олдин рақиб дарвозабони етиб келди.

• 36'
  

  Касареснинг ўткир бурчакдан йўллаган аниқ зарбасини Перин қайтарди.

• 34'
  

  "Женоа" футболчиси ўйиндан ташқари ҳолатда қолиб кетди. Ҳакам ўйинни тўхтатди

• 31'

  Ҳисоб ўзгариши мумкин эди. Заппакостанинг зарбасини ҳимоячилар дарвозага ўтказмади.

• 28'

  Жакомо Бонавентуранинг зарбасидан кейин тўп устун ёнгинасидан ўтиб кетди.

• 26'

  Франк Риберининг узатмасидан кейин тўп майдонни тарк этди.

• 23'
  

  ГОЛ! Учрашувда ҳисоб тенглашди!

  Жамоадоши етказиб берган тўпни Влахович яқин масофадан дарвозага жойлаб қўйди.

• 19'

  Дестро чап қанотдан яхши рейд амалга оширди. Бироқ жамоадошларини қўллаб-қувватлай олмади.

• 17'

  Заппакостанинг жарима майдонига узатган тўпи Скамаккага қадар бормади.

• 15'

  Гол уриб олган "грифонлар" тўп назоратига урғу бермоқда.

• 13'
  

  ГОООООООООООООООООООООООООООООООООООЛ! "Женоа" ҳисобни очди!

  Жанлука Скамакканинг узатмасидан кейин қулай имконият ҳосил қилган Дестро дарвозани ишғол этди!

• 12'

  Жарима майдони ичидан берилган зарбани Перин ушлаб олди.

• 10'
  

  Баллардини шогирдлари бурчак зарбасидан наф чиқара олмади.

• 8'

  Генуяликлар жарима майдони яқинида стандарт вазиятни қўлга киритди.

• 6'

  Ўйин қиймати юқори. Шу сабаб, футболилар катта иштиёқ билан ҳаракат қилмоқда.

• 4'

  Флоренцияликлар тўп назоратини қўлга олиш учун интилмоқда.

• 2'
  

  Дастлабки дақиқалардан агрессив ҳаракат қилган Стротман огоҳлантирилди.

• 1'
  

  Ўйин бошланди!