"Женоа" бош мураббийи истеъфога чиқарилиши мумкин

"Женоа" устози Роландо Маран давралар оралиғида клубни тарк этиши мумкин, дея хабар бермоқда Football Italia.

Манбага кўра, 57 ёшли мутахассис жамоанинг мавсум стартидаги ёмон натижалари сабаб, лавозимидан озод қилиниши кутилмоқда. Унинг ўрнига СПАЛ собиқ бош мураббийи Леонардо Семпличи асосий номзод сифатида кўрилмоқда.

Жорий мавсумда Элдор Шомуродов жамоаси Италия чемпионати 9 туридан сўнг, 5 очко билан 19-поғонани банд этиб турибди.