"Женоа" бош мураббийининг "Сампдория"га қарши ўйиндан олдинги фикрлари

"Женоа" бугун битта шаҳар ва битта стадионда ўйнайдиган "Сампдория" билан куч синашади. Учрашувдан аввал ташкил этилган матбуот анжуманида Элдор Шомуродов устози Давиде Баллардини ўз фикрлари билан ўртоқлашди.

- Ажойиб дерби бўлади. Афсуски, мухлислар учрашувни стадиондан кузата олишмайди ва футболчилар қувончини улар билан бирга баҳам кўра олмайди. Жуда ачинарли. Биз буни ҳис қилиб турипмиз ва шунга яраша ҳаракат қиламиз. Улар бизнинг ёнимизда бўлишларини истардик.

"Женоа" ҳар доим яхши ўйнашни хоҳлайди. Аммо бунинг учун кўпроқ ишлашимиз лозим. Мен шиддатли, қаттиқ курашни ва рақобатни кутмоқдаман. Рақиб яхши ўйин намойиш этишини биламиз. Шунга мос режаларимиз бор, - деди Баллардини.