"Женоа"нинг янги мураббийлар штабида кимлар бўлади?

"Женоа" Роландо Маранни истеъфога чиқарганидан сўнг, жамоа бошқарувига Давиде Баллардинини олиб келмоқчи.

Италия матбуотига кўра, Баллардини айни дамда Генуянинг Пегли шаҳарчасида ва яқин вақтлар ичида жамоа билан шартнома имзолайди.

"Женоа"га яхши таниш бўлган 56 ёшли мутахассисга Стефано Меландри, Нико Фаччиоло  ёрдам бериши кутилмоқда.

Баллардини 2010/11, 2013, 2017/18 йиллар мобайнида "Женоа"ни бошқарган.