Жепаров "Рубин"га малака ошириш учун борганди...

Яқинда ўзбек футболининг собиқ юлдузларидан бири Сервер Жепаров махсус изоляцияда икки ҳафталик карантин муддатини ўтаб чиққани ҳақида хабар бергандик.

Унинг икки ҳафталик карантинга олинишига эса Россияга боргани сабаб бўлганди. Маълум бўлишича, Жепаров Қозоннинг “Рубин” клубида мураббийлик малакасини оширишни кўзлаган. Бу ҳақида унинг ўзи шундай деди:

- Ўғлим билан бирга “Рубин” клубида малака ошириш учун Қозонга боргандим. У кўпинча мен билан сафарларда ҳамроҳлик қилади. “Рубин”да эса бизнинг дўстларимиз бор. Аммо кейинчалик вазият шундай бўлдики, Ўзбекистондаги каби Россияда ҳам пандемия бошланган экан. Натижада ортга қайтишимизга тўғри келди.

Тез орада Сервер Жепаров билан уюштирган суҳбатимизни сайтимиз орқали ўқишингиз мумкин.