Жермейн Женас: "Арсенал" бу мавсум кучли тўртликка ҳам кира олмайди

"Тоттенхэм" клуби собиқ футболчиси Жермейн Женас "Арсенал"нинг жорий мавсум кучли учликка кириш ёки кира олмаслиги борасида ўз фикрини билдириб ўтди.

“Ҳозир “канонирлар” 3-ўринда кетишмоқда. Лекин, улар сафардаги ўйинларни жуда ёмон ўтказишмоқда. Олдинда яна 7та ўйин бор ва “Арсенал” уларнинг 5тасини сафарда ўтказади. Учинчи ва тўртинчи ўринларни “Тоттенхэм” билан “Манчестер Юнайтед” эгаллайди деб ўйлайман”, - дейди Женас.

Эслатиб ўтамиз, “Арсенал” айни дамда 63 очко тўплаган ҳолда мусобақа жадвалида 3-ўринни эгаллаб турибди. Аммо, кейинги ўринларда бораётган “Тоттенхэм” ва “Манчестер Юнайтед” улардан бор йўғи 2 очко кам жамғарган холос.