Жейми Каррагер: "Аксарият "Ливерпуль" футболчилари "Реал"га ўтишни истарди"

Жейми Каррагер Трент Александер-Арнольднинг клубни тарк этиши ва "Реал Мадрид" билан шартнома ҳақидаги хабарларга муносабат билдирди. Унга кўра, бу каби қарорлар футболчилар учун табиий.

— Жамоа ёпиқ муҳитда деярли доим бир-бирини қўллаб-қувватлайди – 99% ҳолатларда шундай бўлади.

Бу "Ливерпуль" мухлислари учун ёқимсиз эшитиш бўлиши мумкин, лекин ҳақиқат шундаки, жамоа аъзоларининг кўпчилиги "Реал Мадрид" сафида тўп суришни хоҳларди.

Мен ўзим ҳам футболчи бўлганман – биздан "Барселона" ва "Реал Мадрид"га кетганлар бўлган. Бу ҳолат мухлислар учун оғриқли. Чунки улар ҳар сафар ўйлайди: “Бу футболчи бизга содиқ, у ҳеч қачон кетмайди.” Лекин кейин ўша ўйинчи кетади.

Футболчи ва мухлиснинг фикрлаш тарзи фарқли. Футболчи шундай ўйлайди: “Мен "Реал"да ўйнашни истайман.” Ва бу — мутлақо реал воқелик, — деди Каррагер Sky Sports эфирида.