Жезус "Тоттенхэм"нинг жавобини берди

«Манчестер Сити»нинг бразилиялик ҳужумчиси Габриэл Жезус «Тоттенхэм»га ўтишдан бош тортди, деб хабар бермоқда Goal.com.

Манбага кўра, футболчи кўпроқ "Арсенал"га ўтишни хоҳламоқда, чунки у аввалроқ "шаҳарликлар" мураббийлар штабида ишлаган "канонирлар" бош мураббийи Микель Артета билан яна бирга фаолият юритишга умид қилмоқда.

25 ёшли Жезус ўтган мавсум "Манчестер Сити" сафида жами 41 та ўйинда майдонга тушиб, 13 та гол урди ва 12 та голга ассистентлик қилди. Унинг клуб билан шартномаси 2023 йилнинг ёзига қадар мўлжалланган.