Жоау Феликс Саудия Арабистони чемпионатининг энг яхши футболчиси деб топилди

"Ан-Наср" ярим ҳимоячиси Жоау Феликс Саудия Арабистони чемпионатининг ўтган мавсумидаги энг яхши футболчи сифатида эътироф этилди.

26 ёшли португалиялик футболчи соврин учун курашда жамоадоши Криштиану Роналду, "Ал-Ҳилол" хавбеки Рубен Невеш, "Ал-Аҳли" ҳужумчиси Айвен Тоуни ҳамда "Ал-Қодисия" форварди Хулиан Киньонесни ортда қолдирди.

Феликс ўтган чемпионатда 33 та учрашувда майдонга тушиб, 20 та гол ва 13 та ассист қайд этди. Ассистлар бўйича бу лигадаги энг яхши натижа бўлди.