Жокович: "Финалда иштирок этиш мен учун шараф"

Сербиялик теннисчи Новак Жокович Аргентина терма жамоасининг жаҳон чемпионатидаги ғалабасидан сўнг ўз ҳис-туйғулари билан ўртоқлашди.

"Мен кўрган футбол ўйинларининг энг яхшиси бўлди деб бемалол айта оламан. Финалда иштирок этиш мен учун шараф. Ушбу ҳаяжонли лаҳзалар учун раҳмат! Браво Аргентина", - деб ёзди Жокович ижтимоий тармоқда.

Эслатиб ўтамиз, якшанба куни Аргентина терма жамоаси ЖЧ-2022 финалида Францияни мағлуб этди (3:3, пен – 4:2) ва 36 йил ичида илк бор жаҳон чемпиони бўлди.