Жонатан Та бўйича таклиф юборган икки йирик клуб маълум бўлди

"Байер"нинг 28 ёшли марказий ҳимоячиси Жонатан Та келгуси ёзда тугайдиган шартномасини узайтирмаслигини маълум қилди. Бу ҳақда журналист Флориан Плеттенберг хабар берди.

Манба маълумотларига кўра, ҳозирда немис футболчиси 2025 йил ёзида эркин агент сифатида ўтиш учун иккита аниқ таклифга эга: "Бавария" ва "Барселона". Та айнан шу клублардан бирини танлаши эҳтимоли юқори. Шу билан бирга, ҳимоячига "Реал" ва  "Интер" каби етакчи жамоалари ҳам қизиқиш билдирмоқда.

Маълумот учун, жорий мавсумда ҳимоячи барча мусобақаларда 17 та ўйинда иштирок этиб, битта гол урди. Трансфермаркт порталида келтирилган маълумотларга кўра, футболчининг нархи 30 миллион еврони ташкил этади.