Жотанинг дафн маросимига келмаган Роналду ҳаммани шокка туширди

Португалия терма жамоаси ва “Ливерпуль” ҳужумчиси Диогу Жота ва унинг укаси – “Пенафиела” ўйинчиси Андре Силванинг дафн маросими кўп футбол юлдузларини жамлади.

Бироқ Португалия терма жамоаси сардори Криштиану Роналду бу тадбирга келгани йўқ. Бу ҳолат мамлакатда жуда 40 ёшли футболчига нисбатан норозиликларни келтириб чиқарди.

Daily Mail нашрининг ёзишича, португалияликлар Криштиану Роналду ҳар қандай шароитда ҳам терма жамоа сардори сифатида Диогу Жотани сўнгги манзилга кузатиш маросимига етиб келишига ишонган. Бироқ амалда бундай бўлмади.

Маълум бўлишича, дафн маросими бўлаётган вақтда Роналду ўзининг Azimut Grande номли қимматбаҳо яхтасида ҳордиқ чиқараётган эди.

- Роналду Португалия терма жамоаси сардори. Кўпчилик унинг келишини кутганди, - деди португалиялик журналист Антониу Рибейру Криштован.

Автоҳалокатда қурбон бўлган ака-ука футболчиларнинг дафн маросимига Бернарду Силва, Виржил ван Дейк, Хендерсон, Диогу Далот, Фабиньо каби кўплаб ўйинчилар келди. Жоау Канселу ва Рубен Диаш маросимга тўғри АҚШдан етиб келди.

A Bola нашрининг маълум қилишича, Криштиану Роналду журналистлар туфайли дафн маросимида иштирок этмасликка қарор қилган. Машҳур юлдуз дафн маросимига келса, оммавий ахборот воситалари ходимларининг бу тадбирга эътибори кучайиб кетишини инобатга олиб шу йўлни тутган.