Жозе Моуриньо азалий орзусига етишишга яқин

"Рома" бош мураббийи Жозе Моуриньо Португалия терма жамоасини бошқариши мумкин. Бу ҳақда "La Gazetta delo Sport" нашри хабар бермоқда. 

Манбанинг ёзишича, Португалия Футбол федерацияси Жозени "Рома" ва терма жамоада бир вақтда ишлашига қарши эмас. Мутахассис ҳозирча бир қарорга келмади. 

Эслатиб ўтамиз, Моуриньо 2021 йилдан буён Рим клубида ишлаб келмоқда. Унинг қўл остида "бўрилар" Конференциялар Лигасини ютишга муваффақ бўлди.