Жуд Беллингем "Реал"да қанча вақт қолмоқчи эканини айтди

Англия терма жамоаси ва "Реал Мадрид" клуби ярим ҳимоячиси Жуд Беллингем "қаймоқранглилар" сафида қанча вақтга қадар тўп тепишини айтиб ўтди. 

"Мен "Реал"да узоқ қолмоқчиман. Умримнинг 10-15 йилини шу ерда ўтказишни истайман. 

Бу клуб, бу шаҳар, бу каби жамоадошлар айнан мен хоҳлаганларим! "Реал"да нима бўлса, барчаси менга ёқади. Жамоа учун бор кучимни сарфлашни мақсад қилганман", - деди англиялик иқтидор эгаси. 

Маълумот ўрнида, кеча Беллингем Англия терма жамоаси таркибида Италия термасидан устун келди - 3:1. Шу тариқа, инглизлар "Евро-2024" саралаш босқичидан муваффақиятли ўтиб, Германиядаги мусобақа гуруҳ босқичига йўлланмани нақд қилди.