К Лига. Достон Турсуновнинг голи жамоасини мағлубиятдан сақлаб қолди

Бугун Жанубий Корея К Лигасида 16-тур ўйинлари старт олди. Жамшид Искандеров фаолият олиб борадиган "Сеонгнам" жамоаси ўз майдонида Достон Турсунов тўп тепадиган "Бусан Ай Парк"ни қабул қилди ва 1:1 ҳисобида дуранг ўйнади.

61-дақиқада Ю Ин Со мезбонларни ҳисобда олдинга олиб чиққан бўлса, ҳакам томонидан учрашувга қўшиб берилган 4-дақиқада Турсунов рақиб дарвозасини ишғол қилиб, жамоасининг сафардан 1 очко билан қайтишини таъминлади. Искандеров иккинчи бўлим аввалида захирага олинди.

Шу тариқа, "Сеонгнам" ҳисобидаги очколар сони 18 тага, "Бусан"ники эса 16 тага етди ва жамоа турнир жадвалида мос равишда 6 ҳамда 8-ўринларни эгаллаб турибди.

К Лига. 16-тур

"Сеонгнам" — "Бусан Ай Парк" 1:1

Голлар: Ю Ин Со (61) — Достонбек Турсунов (90+4).