"Кадиллак" "Феррари"нинг захира пойгачиси билан шартнома имзолади

Янги мавсумда дунёнинг энг нуфузли пойга серияси Формула-1'да дебют қилишга тайёргарлик кўраётган Американинг "Кадиллак" жамоаси захира пойгачиси номини эълон қилди. У хитойлик Гуанюй Чжоу бўлди.

Гуанюй Чжоу ҳозирда 26 ёшда. Хитойлик пилот Формула-1'даги дебютини 2021 йилда "Альпин" сафида ўтказган, шундан сўнг у "Альфа Ромео"га (кейинчалик номи "Кик-Заубер") ўтган. 2025-йилги мавсумда Чжоу бошланғич ўринни олмади ва "Феррари"нинг захира пойгачисига айланди.

Эслатиб ўтамиз, 2026 йилда "Кадиллак"нинг асосий пойгачилари жаҳон витсе-чемпионлари - финляндиялик Валттери Боттас ва мексикалик Серхио Перес бўлади.