"Каллалар" максимал ишлатилган жангда "Насаф" ғалаба қозонди

Суперлиганинг 12-туридан ўрин олган "Сўғдиёна" - "Насаф" ўйини якунланди. "Учрашув меҳмонларнинг 1:2 ҳисобидаги ғалабаси билан тугади.

Дастлаб, 4 дақиқадаёқ "Сўғдиёна" футболчисчи Марко Колакович бош билан аниқ зарба бериб, ҳисобни очди. Орадан 5 дақиқа ўтиб, Ойбек Бозоров Манноновнинг узатмасидан сўнг ҳисобни тенглаштирди. Биринчи тайм охирлашиб бораётганда захирадан майдонга туширилган Муҳаммадиевнинг узатмасидан сўнг Акмал Мозговой ҳам бош билан аниқ зарба йўллаб, "аждарлар"ни ҳисобда олдинга олиб чиқди.

Кейинчалик жиззахликлар кетма-кет ҳужумга ўтди. Баъзи вазиятларда зарбаларга аниқлик етишмаган бўлса, баъзида ҳимоячилар тартибли ҳаракат қилди.

Шу тариқа, "аждарлар" сафарда ғалабани қўлга киритди. Барча голлар бош билан киритилди.