“Kalyari” ijaraga olingan hujumchidan voz kechadigan bo‘ldi

“Kalyari” hujum chizig‘ini kuchaytirish uchun yozda “Montsa”dan ijaraga olingan Andrea Petanya muddatidan avval ortga qaytarilishi kutilyapti.

28 yoshli futbolchi A Seriyada 11 marotaba maydonga tushib, hali biror marotaba raqib darvozasini ishg‘ol qila olgani yo‘q. Uning hisobida atigi bitta assist bor xolos.

“Kalyari” sport direktori Bonato asosan ko‘p gol urish uchun olib kelingan forvard o‘z vazifasini bajara olmayotgani tufayli yanvar oyida uni ortga qaytarib yubormoqchi.

Biroq bosh murabbiy Klaudio Raneri hujum chizig‘i vakillaridan Zito Luvumbo Afrika millatlari kubogida qatnashish uchun ketgani va Eldor Shomurodov jarohat tufayli uzoq vaqtga safdan chiqqanini inobatga olib, Andrea Petanyani qo‘yib yuborishga ko‘nmay turibdi.