Кам гол ураётган "Рома" футболчиси жамоадан кетмоқчи

"Рома" футболчиси Николо Дзаньоло фаолиятини бошқа жамоа таркибида давом эттириши мумкин.

Итальян нашрлари тарқатган хабарга кўра, ҳужумкор ўйинчи римликлар билан амалдаги шартномасини узайтирмоқчи эмас ва ўз омадини кучлироқ клубда синаб кўрмоқчи. Ҳозирги битим бўйича у "бўрилар" сафида 2024 йилга қадар қолиши лозим.

Аввалроқ, италиялик вингерга "Ювентус" жиддий қизиқиш билдираётгани, ҳатто, унинг агенти билан музокара бошлагани ҳақида хабар берилганди. 

22 ёшли футболчи жорий мавсум Моуриньо қўл остида 29 учрашувда майдонга тушиб, 4 гол ва 6 ассист муаллифига айланган.