Камавингага ҳужум қилган "Барса" фанатига қандай жазо қўлланиши маълум бўлди
Футболчини байроқ билан урган
«Барселона» мухлиси ашаддий рақиб - «Реал» футболчиси Эдуардо Камавингага зарба бергани учун жиддий жазога тортилиши мумкин.
Унга 5 йилгача футбол ўйинларига кириш тақиқланиши режалаштирилмоқда. Шунингдек, каталониялик фанат 6 минг евро атрофида жарима тўлашига тўғри келади.
ОАВ хабарларига кўра, полиция бу мухлиснинг шахсини аллақачон аниқлаган.
Эслатиб ўтамиз, Эдуардо Камавинга «Реал» голини нишонлаётганда реклама баннерлари яқинида турган эди. Унинг орқа томонида «Барселона» мухлислари жойлашган бўлган. Шу пайтда каталониялик фанат қўлидаги кўк-анорранг рамзлари туширилган байроқ билан «Реал» футболчисини бир неча бор урган.
Изоҳлар (0)