Kamoliddin Tojiev: "10 nafar yosh futbolchini asosiy tarkibga jalb qildik"

"Paxtakor" - "Struga" (1:1) oʻyinidan keyin "Sherlar" bosh murabbiyi Kamoliddin Tojiev klub matbuot xizmatiga intervyu berdi.

"Bugun yangi yil hisobidan birinchi oʻyinimizni oʻtkazdik. Ikkita 45 daqiqadan, ikkita tarkib bilan harakat qildik. 10 nafar yosh futbolchini asosiy tarkibga jalb qildik.

Hozir jarohat olganlar yoʻq emas. Boʻriev va Hamraliev oʻn kun ichida mashgʻulotimizga qoʻshiladilar. 5 nafar futbolchimiz terma jamoa yigʻinida ishtirok etyaptilar. Shifokorlar bilan maslahatlashgan holda Alijonovga bugun 30 daqiqa oʻynash imkoniyatini berdik", - deydi Tojiev.