Kannavaro Misrga qarshi o‘yin haqida: "Jismoniy holatimizdan hali xavotirdaman" (matbuot anjumani)

O‘zbekiston milliy terma jamoamiz bosh murabbiyi Fabio Kannavaro Misrga qarshi to‘qnashuvdan so‘ng matbuot anjumanida ishtirok etib, o‘yin haqida o‘z fikrlari bilan o‘rtoqlashmoqda. 
 
"Men futbolchilar uchun juda xursandman. Men kelganimdan buyon ular qo‘ldan kelgancha harakat qilishmoqda. O‘yinchilarim har kuni o‘rganishga va yanada yaxshilanishga harakat qilishmoqda. Bu orqali, qanchalik kuchli ekanligimizni ko‘rsatishmoqchi. Bilasiz, Misrga qarshi, top futbolchilarga qarshi maydonda o‘ynash oson emas. Lekin jamoamiz bilan birga, o‘yinning dastlabki daqiqalaridan boshlab diqqat bilan o‘ynashga harakat qildik. Birinchi golda ham, ikkinchi golda ham va to‘psiz vaziyatlarda ham yaxshi o‘ynadik. Shuningdek, barcha zonalarni yopishga harakat qildik. Albatta, natija biz uchun juda muhim hisoblanadi. lekin hozirgi kunda shu tarzda ishlashda davom etishimiz zarur. Shunday bo‘lsa ham men baribir jismoniy holatimizdan xavotirdaman. Biz buni yaxshilashga harakat qilamiz". 
 
Oston O‘runov Eronga qarshi bahsda maydonda tusha oladimi? 
 
"Bilmadim (kuladi). Oston charchagan edi. U qo‘lidan kelgan barcha narsani qildi. Jarohatdan qaytganiga ko‘p bo‘lmadi. Lekin baribir jismoniy holatini yaxshilash kerak". 
 
Eronga qarshi final oldidan fikrlaringiz! 
 
"Eron terma jamoasini judayam hurmat qilamiz. U jamoa Osiyodagi eng kuchli klublardan biri hisoblanadi. Biz albatta ularga muammo yaratish uchun maydonga tushamiz". 
 
Avvalo g‘alaba muborak bo‘lsin. Umuman olganda himoyamiz yaxshi ko‘rindi, lekin darvozabonimiz biroz xavotirga soldi. Bu qanchalik sizni qoniqtiryapti va Muhammad Salohni qo‘riqlash uchun alohida reja ishlab chiqqan edingizmi? 
 
"Muhammad Salohni qo‘riqlashni iloji yo‘q. Biroq bunday futbolchilarning imkoniyatlarini kamaytirishga harakat qildik. 
 
Biz to‘psiz juda yaxshi ishlayapmiz. Ammo bunday terma jamoalarga qarshi zarba berishga yo‘l qo‘yib bersangiz albatta ular foydalanadi va xavfli vaziyatlar yaratadi. Bugun darvozamiz oldida qiynalgan vaziyatlarimiz ham bo‘ldi, ularda ham zarba berish uchun qulay imkoniyatlar paydo bo‘ldi. Lekin judayam xavfli vaziyatlar yarata olishmadi. Shu bois, men uchun bu juda muhim edi". 

Nega aynan O‘zbekiston terma jamoasini tanladingiz? 
 
"O‘zbekiston qanday ishlayotganin ko‘rdim, ular yoshlarga e’tibor qaratmoqda, asosan mahalliy futbolchilariga fokusni qaratishgan. Shu sababli ham men O‘zbekistonni tanladim", - deya ta’rif berib o‘tdi italiyalik sobiq futbolchi.