Каратэчимиз Шанхай Премьер-лигасида олтин медални қўлга киритди
Ads

Хитойнинг Шанхай шаҳрида каратэнинг WKF йўналиши бўйича Премьер-лига мусобақаси ўз якунига етди. 3 кун давом этган мазкур мусобақа терма жамоамиз учун омадли якунланди.

Турнирнинг биринчи кунида ҳамюртимиз Достонбек Отаболаев -75 кг вазн тоифасида финал йўлланмасини қўлга киритгани ҳақида хабар берган эдик. Каратэчимиз бугун олтин медаль учун эронлик Баҳман Асғарига қарши жанг қилди. Муросасиз кечган баҳс Отаболаевнинг 1:0 ҳисобидаги ғалабаси билан якунланди ва юртдошимиз мусобақанинг олтин медалига сазовор бўлди.

Премьер-лига мусобақаси Токио Олимпиадасига рейтинг очколарини тақдим этадиган йирик турнирлардан биридир. Ушбу ғалабадан сўнг спортчимиз ўз ҳисобидаги Олимпиада рейтинг очколарини 900 тага кўпайтириб олмоқда.


Манба: МОҚ