Карло Анчелотти: " Эндрик мунтазам равишда ўйнаб, ўз даражасини кўрсатиши керак"

Бразилия терма жамоаси мураббийи Карло Анчелотти "Реал" ҳужумчиси Эндрикнинг 2026 йилги мундиалда иштирок этиши имкониятини ошириш учун қандай ишлар қилиши кераклигини айтди. 

"Биз Эндрик билан мавсум бошида жароҳитидан тикланиётган вақтида суҳбатлашган эдик. Ҳозир у ўйинга тайёр, энди у ва унинг атрофидагилар ривожланишининг қайси йўли унга маъқул эканлигини билишлари лозим. Эндрик жуда истеъдодли ва ҳали ёш, унинг олдида ҳали кўплаб Жахон чемпионатлари бор. Бироқ энг яқинроқдагисида иштирок этиш учун у мунтазам равишда ўйнаб, ўз даражасини кўрсатиши шарт", - деди италиялик мутахассис.

Маълумот учун, Эндрик жорий мавсум "Реал Мадрид" сафида фақатгина 1 та учрашувда майдонга тушган.