Карло Анчелотти: "Реал" учун ЕЧЛ ярим финалига чиқиш омадли иштирок ҳисобланмайди, биз чемпион бўлишни истаймиз"

Бугун Европа Чемпионлар лигаси ярим финал босқичидан ўрин олган "Манчестер Сити" - "Реал" учрашуви бўлиб ўтади. Мазкур беллашув олдидан ташкил этилган матбуот анжуманида меҳмонлар бош мураббийи Карло Анчелотти иштирок этиб, қуйидаги фикрларни билдирди: 

"Эртага фақат финал учун курашамиз. Ферлан Менди билан ҳаммаси жойида, у майдонга тушади. Бироқ Алаба ва Каземиро ҳақида бундай дея олмайман. Нима бўлишини вақт кўрсатади. Схема? Эртага биз 4-3-3 ёки 4-4-2дан бирини танлаймиз. 

Очиқ ўйин бўлади, рақибимиз ҳам жуда кучли. Чемпионликкача 3 та ўйин қолганидан хурсандмиз. Шогирдлари профессионаллар, улар доим рақибга қарши қандай футбол кўрсатиш кераклигини билишади. Эртанги баҳсга тайёрмиз. Футболчилар менинг ишимни анча осонлаштирмоқда.

"Реал" учун ЕЧЛ ярим финалига чиқиш омадли иштирок ҳисобланмайди, биз чемпион бўлишни истаймиз. Манчестерга финалга чиқиш учун келдик, "қироллик клуби" ҳеч қачон бу билан кифояланмайди".