Каррагер: "Аморим "Манчестер Юнайтед" учун мос мутахассис эмас"

"Ливерпуль"нинг собиқ ҳимоячиси Жейми Каррагер Рубен Аморимни "Манчестер Юнайтед" бош мураббийи лавозимига мос келмайди, деб ҳисоблайди.

"Менимча, уни тайинлаган одамларга нисбатан шубҳа билдиришга у ҳеч қандай ҳаққа эга эмас. Чунки у етарлича кучли мутахассис эмас. У "Манчестер Юнайтед" бош мураббийи бўлиш даражасида эмас. Ҳозир у ҳатто Премьер-лигада мураббий бўлиш учун ҳам етарлича малакали эмас, деб ўйлайман.

Норозилик фақат икки сабаб билан боғлиқ бўлиши мумкин. Ёки гап январь ойидаги трансферлар ва унга қўллаб-қувватлов кўрсатилмаётганида, ёки ундан юқоридаги раҳбарият унинг схемалар орасида иккиланиб қолаётганини шубҳа остига қўяётганида.

Тўрт ҳимоячи билан ўйнаган пайтда муайян ижобий натижалар кўринганди, аммо у "Вулверхэмптон"га қарши ўйинда яна беш ҳимоячили схемага қайтди ва жамоа, эҳтимол, “Вулвс”га қарши ўйнаган барча рақиблар орасида энг ёмон ўйинни намойиш этди", — деди Каррагер Гари Невилл подкастида.