Каррагер АПЛ чемпиони учун курашда "Арсенал"нинг асосий рақибини айтди

«Ливерпуль» собиқ сардори Жейми Каррагер Англия Премьер-лигасининг яқинлашиб келаётган мавсуми ҳақида ўз фикрларини билдирди.

Унинг таъкидлашича, «Челси» янги мавсумда чемпионлик учун кураш олиб бориши мумкин.

«Менимча, «Челси» АПЛ чемпиони учун курашади. Янги мавсумда «Арсенал» учун энг жиддий рақиб шу жамоа бўлади, десам адашмайман», — деди Каррагер The Overlap подкастида.

Маълумки, «Челси» жамоасида яқинда катта ўзгариш рўй берди — клубга янги бош мураббий этиб Хаби Алонсо тайинланди. У бундан аввал «Байер» ва «Реал» жамоаларини бошқарган.

Испаниялик мутахассис лондонликлар билан 2030 йил ёзига қадар мўлжалланган шартнома имзолади.