Каррагер: "Ливерпуль"да Тен Хаг сценарийси такрорланишидан қўрқяпман"

"Ливерпуль"нинг собиқ ҳимоячиси Жейми Каррагер жамоа бош мураббийи Арне Слот билан боғлиқ вазият ҳақида фикр билдирди.

Айни пайтда мерсисайдликлар АПЛ жадвалида тўртинчи ўринни эгаллаб турибди.

"Мени “Ливерпуль” ва Арне Слот билан боғлиқ вазият хавотирга солмоқда. Эрик тен Хаг билан бўлган воқеа такрорланиб қолмайдими? У ажойиб биринчи мавсум ўтказди, кейин эса жуда ёмон иккинчи мавсумни бошдан кечирди ва биринчи йилги натижалари сабаб ишида қолдирилди.

Кейин эса октябрь ёки ноябрга келиб ҳаммаси издан чиқди ва мураббийни алмаштиришга тўғри келди.

Бу — “Ливерпуль” мухлисларининг хавотири. Лекин эшитаётган гапларимизга қараганда, Арне Слотга кейинги мавсумда яна бир имконият берилади.

Шу билан бирга, кўплаб “Ливерпуль” мухлислари Хаби Алонсо клубга келишга тайёр деб ҳисоблайди. Агар унга эҳтиёж бўлганида, у жамоага ўтарди.

Бироқ клуб Слот бўйича қарор қабул қилгандек кўринмоқда. Хаби Алонсонинг “Челси” билан музокара олиб бораётгани ҳам кўп нарсани англатади. Чунки агар у “Ливерпуль”да мураббий алмашиши мумкинлигини ҳис қилганида, айнан ўша жамоага ўтарди", — деди Каррагер.