Каррагер: "Ньюкасл" "Ливерпуль"дан яхшироқ ўйнади ва ғалабага муносиб эди"

"Ливерпуль"нинг собиқ футболчиси Жейми Каррагер АПЛнинг 2-туридаги "Ньюкасл"га қарши ўйиндан сўнг жамоа ўйинини танқид қилди.

"Бу эҳтимол ғолиб жамоанинг энг ёмон ўйинларидан бири ва мағлуб жамоанинг энг яхши чиқишларидан бири бўлди. Менимча, "Ньюкасл" ғалаба қозониши керак эди — улар барча жиҳатдан "Ливерпуль"дан кучлиroq кўринди", — деди Каррагер "Sky Sports"га берган интервьюсида.

Эслатиб ўтамиз, икки турдан сўнг Арне Слот шогирдлари 6 очко билан турнир жадвалида 3-ўринни эгаллаб турибди. Мерсисайдликлар сўнгги ўйинда рақибни 3:2 ҳисобида мағлуб этди, ҳал қилувчи гол эса охирги дақиқаларда урилди.