Каррагер: "ПСЖнинг ўйинини кўриш — Гвардиоланинг "Барса"сини эслатади"

"Ливерпуль"нинг собиқ футболчиси ва ҳозирда эксперт сифатида фаолият юритувчи Жейми Каррагер Клублар ўртасидаги Жаҳон чемпионати ярим финалидаги ПСЖ — "Реал" ўйини ҳақида ўз фикрини билдирди. Унда парижликлар мадридликларни 4:0 ҳисобида мағлуб этган эди.

"Қачонки мен ПСЖнинг ўйинини томоша қилсам, худди Хосеп Гвардиола бошқарувидаги Барселонанинг учрашувини кўраётгандекман. Мен бу жамоага бундан зўр таърифни бера олмайман" — деб ёзди Каррагер ўз саҳифасида.

Эслатиб ўтамиз, кечаги ғалабадан сўнг парижликлар финал йўлланмасини қўлга киритди. 13 июль куни эса Луис Энрике бошчилигидаги ПСЖ Энцо Маресканинг "Челси"сига қарши майдонга тушади.