Катта танаффусдан сўнг, яна терма жамоага қайтган Бензема Мбаппе ҳақида нималар деди?

"Реал" ва Франция терма жамоаси ҳужумчиси Карим Бензема ҳамюрти Килиан Мбаппени ПСЖдан Мадрид клубига ўтишга чақирди.

“У “Реал”да керакли футболчига айланган бўларди. Килиан катта маҳоратга эга, унга ақлбовар қилмайди. Мен у билан машқ қилиш имкониятига эга бўлдим. У юқори тезликка эга. У жуда зўр ҳужумчи", - деди Бензема.

Франция терма жамоаси кеча ўртоқлик ўйинида Уэльсни 3:0 ҳисобида мағлубиятга учратди. Шу куни голларнинг бирига Килиан Мбаппе муаллифлик қилди.

Франция терма жамоаси “Евро-2020”нинг “F” гуруҳида Германия, Португалия ва Венгрия терма жамоаларига қарши баҳс олиб боради.